O‘simliklarga zarar yetkazadigan asosiy omillarni bilasizmi?

Qurg‘oqchilik va suv yetishmasligi: O‘zbekistonning iqlimi nisbatan issiq va quruq bo‘lib, suv yetishmasligi o‘simliklarga jiddiy zarar yetkazishi mumkin. Sug‘orishning yetarli darajada bo‘lmasligi o‘simliklarning o‘sishi va hosildorligini pasaytiradi.

Zararkunandalar: Ularning 60 mingdan ortiq o‘simlikxo‘r turi ma’lum, shu jumladan, 4 mingga yaqin turi o‘simliklarning barglari, poyasi va ildizlariga zarar berib, o‘simliklarni zaiflashtiradi.

Kasalliklar: Zamburug‘ kasalliklari, viruslar va bakterial infeksiyalar o‘simliklarga katta zarar yetkazishi mumkin.

Tuproqning sho‘rlanishi: Sug‘orish suvlarining sho‘rlanishi tuproqning sho‘rlanishiga olib kelishi mumkin, bu esa o‘simliklarning o‘sishiga salbiy ta’sir ko‘rsatadi. Sho‘rlangan tuproq o‘simliklar uchun zarur bo‘lgan suv va ozuqa moddalarining so‘rilishini qiyinlashtiradi.

Noto‘g‘ri parvarish: O‘simliklarni noto‘g‘ri sug‘orish, noto‘g‘ri o‘g‘itlash yoki vaqtida qaramaslik ularning zaiflashishiga va kasalliklarga chalinishiga olib kelishi mumkin.