O‘zbekiston kubogi: “Dinamo” amaldagi chempion “Nasaf” bilan durang o‘ynadi

Kecha O‘zbekiston kubogining 2-turidan o‘rin olgan “Dinamo” – “Nasaf” bahsi bo‘lib o‘tdi.
Birinchi bo‘limning 37-daqiqasida “Nasaf” futbolchisi Sharof Muhiddinov penaltidan hisobni ochgan bo‘lsa, 58-daqiqada “Dinamo” legioneri Kojo Joel hisobni qisqartirdi 1:1.

76-daqiqada Joelning uzatmasidan keyin Xislat Xalilov samarqandliklarni hisobda oldinga olib chiqdi. 79-daqiqada esa Marushich hisobni tenglashtirdi - 2:2. 90+1-daqiqada Xislat Halilov jamoasini yana oldinga olib chiqqan bo‘lsa, ko‘p o‘tmay Akmal Mozgovoy hisobni tenglashtirdi – 3:3.
Shu tariqa, uchrashuv jangovar durang bilan yakunlandi va jamoalar bir ochkodan ishlab oldi.

Vadim Abramov shogirdlari O‘zbekiston kubogining 1-turida ham “Andijon” bilan durang qayd etgan edi va ayni paytda guruhda ikkinchi o‘rinda bormoqda. Agar jamoamiz 28 aprel kuni “Navbahor”ni mag‘lub qilsa, “o‘lim guruhi”dan chiqadi.