«Dinamo» BAAda Qozog‘iston va Rossiya klublariga qarshi maydonga tushadi
«Dinamo» jamoasi 2026 yilgi mavsumga tayyorgarlik doirasida dastlabki xorij yig‘inini Birlashgan Arab Amirliklarida o‘tkazadi.
Klub axborot xizmatining ma’lum qilishicha, Vadim Abramov murabbiyligidagi jamoa 16-29 yanvar kunlari Abu-Dabi va Dubayda 4 ta uchrashuv o‘tkazishni rejalashtirgan. Hozirga kelib «Dinamo»ning 3 ta o‘rtoqlik o‘yinidagi raqiblari ma’lum.
Samarqand klubi dastlab 19 yanvar kuni Qozog‘istonning «Kaysar» klubiga qarshi maydonga tushsa, 25 yanvar kuni Rossiyaning 6 karra chempioni "SSKA Moskva" jamoasiga qarshi saf tortadi. 28 yanvar kuni esa «Dinamo» Rossiya Premer-ligasi vakili «Akron» bilan o‘rtoqlik uchrashuvi o‘tkazadi.
Yig‘in doirasida yana bir o‘rtoqlik o‘yin o‘tkazilishi bo‘yicha aniqlik kiritilmoqda.
