O‘zLiDePning eng namunali boshlang‘ich partiya tashkiloti – Samarqandda
Samarqand tumanidagi “Istiqlol shu’lasi” fermer xo‘jaligi qoshidagi partiya boshlang‘ich tashkiloti Tadbirkorlar va ishbilarmonlar harakati – O‘zbekiston Liberal-demokratik partiyasi (O‘zLiDeP) siyosiy kengashi ijroiya qo‘mitasi tomonidan partiya tuzilmalari hamda faollarni rag‘batlantirish maqsadida e’lon qilingan “Eng namunali boshlang‘ich partiya tashkiloti” tanlovining respublika bosqichida birinchi o‘rinni egalladi.
Mazkur fermer xo‘jaligi qoshidagi partiya boshlang‘ich tashkiloti 2004 yil 15 dekabrda tashkil etilgan. Dastlab a’zolar 21 nafarni tashkil etgan bo‘lsa, bugungi kunga kelib ularning safi 200 nafardan oshdi.
G‘olibga O‘zLiDeP siyosiy kengashi ijroiya qo‘mitasi tomonidan diplom va kompyuter jamlanmasi berildi.
Baxtigul QARSHIYeVA
O‘zLiDeP Samarqand viloyat Kengashi matbuot kotibi.
