Past Darg‘omda kuniga 120 tonna bug‘doyni qayta ishlovchi tegirmon ish boshladi

Past Darg‘om tumanidagi “Juma elevatori” AJ qoshida bug‘doyni qayta ishlovchi yangi tegirmon foydalanishga topshirildi.

Shu munosabat bilan tashkil etilgan tadbirda «O‘zdonmahsulot» aksiyadorlik kompaniyasi boshqaruvi raisining birinchi o‘rinbosari Sh.Uzoqov, tuman hokimining o‘rinbosarlari N.Sulaymonov, X.Bo‘riyev hamda tuman jamoatchiligi vakillari ishtirok etdi.

Korxona faoliyatini sifatli tashkil etish uchun xorijdan 782 ming AQSh dollarlik zamonaviy texnologiyalar xarid qilindi. Buning natijasida 20 nafar fuqaroning bandligi ta’minlandi. Korxona bir kunda 120 tonna bug‘doyni qayta ishlab, 90 tonna sifatli un tayyorlaydi.

Past Darg‘om tumani hokimligi axborot xizmati.