Samarqandda yurish marafoni o‘tkazildi
Bugun Samarqand shahrida O‘zbekiston kasaba uyushmalari Federatsiyasi viloyat kengashi hamda viloyat sport boshqarmasi tashabbusi bilan ommaviy piyoda yurish marafoni o‘tkazildi.
Payshanba - Jismoniy tarbiya va sport kuni hamda "Butunjahon salomatlik kuni" munosabati bilan tashkil etilgan marafonda viloyatdagi korxona va tashkilotlar rahbarlari hamda mehnat jamoalari, nuroniylar va yoshlar, xotin-qizlar ishtirok etishdi.
Marafon qatnashchilari shaharning Alisher Navoiy nomidagi istirohat bog‘i ko‘chasi bo‘ylab piyoda harakatlandi. Shuningdek, tajribali murabbiy boshchiligida ommaviy badantarbiya mashg‘ulotlari bajarildi.
