Sankt-Peterburgdan Urganchga uchayotgan samolyot Samaraga favqulodda qo‘ndi
Sankt-Peterburgdan Urganchga uchayotgan samolyot yo‘lovchilaridan biri o‘zini noqulay his qilgani bois Samara aeroportiga favqulodda qo‘ndi. Bu haqda aeroport axborot xizmati vakili RIA Novostiga xabar qildi.
"4 noyabr kuni Kurumoch xalqaro aeroportiga “Sankt-Peterburg-Urganch” yo‘nalishida uchayotgan Uzb 638 reysi kelib qo‘ndi. Favqulodda qo‘nishning sababi bortda bo‘lgan yo‘lovchi o‘zini noxush his qilganidir", deyiladi xabarda.
Aeroportda yo‘lovchiga darhol birinchi tibbiy yordam ko‘rsatildi va shahar shifoxonalaridan biriga shoshilinch yotqizildi.
