Tojikistonda barcha operatsion qidiruv tizimlari to‘sib qo‘yildi

Tojikistonda oxirgi yarim yillikda navbati bilan internet olamidagi barcha qidiruv tizimlarini to‘sib qo‘yishayapti.

Hozirgi damda ham Google, Yandex kabi qidiruv tizimlari, shuningdek ko‘plab axborot agentliklari, ijtimoiy tarmoqlar va internet saytlari to‘sib qo‘yilgan.

Google qidiruv tizimini ilk marta bundan ikki hafta oldin to‘sib qo‘yishdi.

Aloqa vazirining o‘rinbosari Ilhom Atoyev bu ish haqida izoh berar ekan "Biz hech qachon, hech qanday servisni to‘smaymiz. Ularning Tojikistonda ishlamayotganining sababi texnik muammolar sababli bo‘lishi mumkin. Hozir ushbu muammoni o‘rganish uchun ishchi guruh tuzilgan", degan edi.

Bu safar yuz bergan hodisani ham ular shu tarzda izohlamoqdalar.

Ko‘pchilik internet foydalanuvchilarining fikrlaricha qidiruv tizimlarining oxirgi to‘sib qo‘yilishi 19 may kuni Vaxdat qamoqxonasida bo‘lib o‘tgan isyon bilan bog‘liq bo‘lishi ham mumkin.

Bugungi kunda Tojikistonda Google - Google translate, Play Market, Google Webstore , Yandex kabi operatsion qidiruv tizimlarning hammasi to‘sib qo‘yilgan.