Тожикистонда барча операцион қидирув тизимлари тўсиб қўйилди
Тожикистонда охирги ярим йилликда навбати билан интернет оламидаги барча қидирув тизимларини тўсиб қўйишаяпти.
Ҳозирги дамда ҳам Google, Yandex каби қидирув тизимлари, шунингдек кўплаб ахборот агентликлари, ижтимоий тармоқлар ва интернет сайтлари тўсиб қўйилган.
Google қидирув тизимини илк марта бундан икки ҳафта олдин тўсиб қўйишди.
Алоқа вазирининг ўринбосари Илҳом Атоев бу иш ҳақида изоҳ берар экан "Биз ҳеч қачон, ҳеч қандай сервисни тўсмаймиз. Уларнинг Тожикистонда ишламаётганининг сабаби техник муаммолар сабабли бўлиши мумкин. Ҳозир ушбу муаммони ўрганиш учун ишчи гуруҳ тузилган", деган эди.
Бу сафар юз берган ҳодисани ҳам улар шу тарзда изоҳламоқдалар.
Кўпчилик интернет фойдаланувчиларининг фикрларича қидирув тизимларининг охирги тўсиб қўйилиши 19 май куни Вахдат қамоқхонасида бўлиб ўтган исён билан боғлиқ бўлиши ҳам мумкин.
Бугунги кунда Тожикистонда Google - Google translate, Play Market, Google Webstore , Yandex каби операцион қидирув тизимларнинг ҳаммаси тўсиб қўйилган.
