Ulug‘bek Rashitov Osiyo chempionligini qo‘lga kiritdi
Janubiy Koreyada taekvondo bo‘yicha Osiyo chempionati bo‘lib o‘tmoqda.
- 68 kilogramm vazn toifasida Olimpiada chempioni Ulug‘bek Rashitov finalda iordaniyalik Zaid Karimga qarshi dayanga chiqdi va ikkala raundda ham g‘alabaga erishib, Osiyo chempioniga aylandi.
Rashitov musobaqani nimchorak finaldan boshladi va falastinlik Fahid Abdulrazoqni 2:0 hisobida taslim qildi.
Shundan so‘ng chorak finalda mo‘g‘ulistonlik Engbold Buyanshagai, yarim finalda eronlik Doniyol Bozorgishob ham mag‘lub etildi – 2:0.
