"Dutch Open-2023"da taekvondochilarimiz 3 ta oltin, 2 ta bronza medalni qo‘lga kiritdi
Niderlandiyaning Eyndxoven shahrida taekvondo WT bo‘yicha "Dutch Open" xalqaro musobaqasi bo‘lib o‘tdi. Unda O‘zbekiston terma jamoasining 8 nafar vakili medallar uchun kurash olib bordi.
O‘zbekiston taekvondo WT assotsiatsiyasi xabariga ko‘ra, ularning 5 nafari sovrindor bo‘ldi.
Shuhrat Salayev, Jasur Jaysunov va Nikita Rafalovich barcha raqiblarni mag‘lub etib, oltin medalni qo‘lga kiritdi. Ulug‘bek Rashitov hamda Svetlana Osipova esa bronza medalga ega chiqdi.
"Dutch Open-2023" sovrindorlari:
- Oltin – Shuhrat Salayev;
- Oltin – Jasur Jaysunov;
- Oltin – Nikita Rafalovich;
- Bronza – Ulug‘bek Rashitov;
- Bronza – Svetlana Osipova.
