Yangi haftada havo haroratining ko‘tarilishi kutilmoqda
"O‘zgidromet" xabariga ko‘ra, bugundan ish haftasining oxirigacha O‘zbekiston bo‘yicha asosan quruq va iliq ob-havo kuzatiladi.
Faqat 27 aprelda markaziy va sharqiy viloyatlarning ayrim tumanlarida ba’zi joylarda asosan jadalligi biroz bo‘lgan qisqa muddatli momaqaldiroqli yomg‘ir yog‘ishi mumkin.
27 aprelda shimolda va cho‘l hududlarida, 28 aprelda respublika bo‘yicha ba’zi joylarda shamol tezligi 17-22 m/s gacha kuchayadi.
Hafta o‘rtasiga kelib, Eron hududlaridan iliq havo massasi kirib kelishi hisobiga kunduzgi havo harorati +27...+32 darajagacha ko‘tariladi.
