Hafta o‘rtasida havo harorati ko‘tariladi
"O‘zgidromet" xabariga ko‘ra, 24-25 oktyabr kunlari O‘zbekistonning barcha hududlarida havo biroz bulutli bo‘ladi, yog‘ingarchilik kutilmaydi. Havo harorati ko‘tariladi va hafta o‘rtasiga kelib, kunduz kunlari +22...+25 daraja, janubda +27 daraja bo‘ladi.
26 oktyabrda respublika hududiga Volga bo‘yi hududlaridan nam havo kirib kelishi kutilmoqda. Markaziy, janubiy va sharqiy hududlarda yomg‘ir yog‘adi, harorat +15...+20 darajagacha pasayadi.
27 oktyabrda O‘zbekiston bo‘yicha yog‘ingarchilik kutilmaydi, harorat +17...+22 daraja bo‘ladi.
Ushbu hafta davomida harorat kechalari +7...+12 daraja iliq atrofida bo‘ladi. Respublikaning ayrim joylariga kechasi va ertalab tuman tushishi mumkin.
