Haftaning ikkinchi yarmida ob-havo +17 darajagacha iliydi

"O‘zgidromet" xabariga ko‘ra, bugun respublika hududi bo‘yicha quruq va o‘rtacha iliq ob-havo bo‘lishi kutilmoqda. Havo harorati +9…+14 daraja bo‘ladi.

Seshanba va chorshanba, 7-8 dekabr kunlari Qozog‘iston hududi bo‘yicha nisbatan sovuq havo kirib keladi. Bu faqat O‘zbekistonning harorat foniga ta’sir qiladi. Ushbu kunlarda harorat kechalari 0…+5 daraja, kunduz kunlari +9…+14 daraja atrofida saqlanib turadi.

Payshanba va juma kunlari Erondan iliq havo kirib kelishi kutilmoqda. Havo harorati kechalari 0…+5 daraja, ba’zi joylarda -2 darajagacha atrofida bo‘ladi, kunduz kunlari +15…+17 darajagacha ko‘tariladi.

8 dekabrda shimoliy tumanlarda, 9-10 dekabrda O‘zbekistonning qolgan hududlarida shamol tezligi 15-20 m/s gacha kuchayib, tuman tushishi mumkin.