"Zarafshon" fotomuxbiri “Samarqand-Singapur” xorijiy korxonasida
Samarqand shahrida faoliyat ko‘rsatayotgan “Samarqand-Singapur” xorijiy korxonasi pillani qayta ishlaydigan yirik korxonalardan biri. 2007 yilda tashkil etilgan korxonada ayni paytda 150 nafar kishi mehnat qilmoqda.
– Korxonamiz yiliga 300 tonna quruq pillani qayta ishlash quvvatiga ega, – deydi korxona direktori Abdumajid Akromov. – O‘tgan yili qiymati 4 million AQSh dollarlik 50 tonna ipak-kalava ishlab chiqarib, Xitoy, Yaponiya, Vetnam, Eron, Birlashgan Arab Amirliklariga eksport qildik.
Shuningdek, ipak momig‘i, paxta va dag‘al matodan bir necha turdagi yarim tayyor mahsulot ishlab chiqaryapmiz. Unga ham tashqi bozorda talab bor.
Baxtiyor MUSTANOV.
