Андроид қурилмалар учун Zarnews.uz мобил иловаси. Юклаб олиш x

Умра сафарига кетган фуқаролар номидан 61 минг АҚШ долларини қўлга киритган фирибгар аёл қўлга тушди

Жорий йил 16 июль куни Тошкент шаҳар ИИББга тушган ҳужжат тўпламларига кўра, шу йил 27 май куни Шайхонтоҳур туманида яшовчи 34 ёшли И.Н. исмли аёл ўзи раҳбарлик қилаётган “Star Tour” МЧЖ биносида Бухоро туманида яшовчи 32 ёшли А.Н.га Умра сафарига кетган 24 нафар фуқароларни Саудия Арабистонида жойлашган меҳмонхонага жойлаштириш учун пул кераклигини, пулни тез кунда қайтаришини айтиб, алдов йўли билан ундан 61 000 АҚШ долларини олиб, пулларни ўз эҳтиёжлари учун ишлатиб юборганлиги кўрсатилган.

Ўзбекистон Республикаси ИИВ Жамоатчилик ва ОАВ билан алоқалар бошқармаси хабар беришича, ҳолат юзасидан жиноят иши қўзғатилиб, И.Н. исмли аёл қўлга олинган.

Тергов ҳаракатлари олиб борилмоқда.