1 майда Самарқандда «Фавворалар сайли» тадбирлари ўтказилади
Самарқанд шаҳридаги Кўксарой майдони, Амир Темур хиёбони, Биринчи Президентимиз Ислом Каримов ҳайкали атрофи, Театр майдони, Шоирлар боғи, Даҳбед ва Регистон кўчалари чорраҳаси, Университет хиёбони, Навоий ва Жомий ҳайкали ўрнатилган майдон ва Самарқанд темир йўл вокзали майдонида турли тадбирлар ўтказилиши режалаштирилган.
Улар эрталаб соат 10:00 дан 14:00 гача, кеч соат 17:00 дан 22:00 га қадар давом этади.
Шунингдек, Пайариқ, Челак, Ургут, Нуробод, Жума шаҳарларидаги фавворалар олдида байрам тадбирлари уюштириш кўзда тутилган.
