Дунёнинг энг яхши паспортлари рейтинги эълон қилинди. 2026 йилда ким етакчи?

Arton Capital дунёнинг энг кучли паспортлари – Global Passport Power Rank -2026  рейтингини эълон қилди.

 Рейтингдаги паспортлар “куч”и уларнинг визасиз саёҳат қилиш имтиёзлари ва манзилга етиб келганда виза олиш имкониятини ўз ичига олган ҳаракатчанлик кўрсаткичи билан белгиланади. Кўрсаткичлар қанчалик баланд бўлса, паспорт эгасининг глобал мобиллиги ҳам шунчалик юқори бўлади.

Айни пайтда рейтингда 103 та позиция мавжуд. Бироқ, бир неча мамлакатлар баллар сони (мобиллик кўрсаткичи) бир хил бўлиши, яъни бир нечта давлатлар ва ҳудудлар бир хил ўринни эгаллаб турган бўлиши мумкин.

Сўзсиз етакчи Бирлашган Араб Амирликлари паспортининг ҳаракатлилик индекси – 179 баллга эга.

Иккинчи ўринда Сингапур (175) ва Испания (175) давлатлари, учинчи ўринни эса 174 балл билан Бельгия, Франция, Швеция, Германия, Нидерландия, Финландия, Люксембург, Италия, Дания, Португалия, Швейцария, Греция, Австрия, Малайзия, Норвегия, Ирландия, Жанубий Корея ва Япония каби жами 18 та мамлакатлар эгаллаб турибди.

Яхши паспортга эга деб топилган Польша ва Латвия давлатларига тўртинчи ўрин берилди.

Рўйхатнинг энг қуйи поғоналарида Афғонистон, Сурия ва Ироқ давлатлари туради.

Рейтинг тузувчилар шунингдек, Литва давлати 5, Грузия 33, Россия 41, Қозоғистон 60 ва Қирғизистон 73-ўринни эгаллашини аниқлаб олишди.

Баҳора Муҳаммадиева тайёрлади.