Ким Чен Ин 13 ёшли қизини КХДР ядровий кучларига назоратчи этиб тайинлади
«Тугмачалар»ни ўйнаб босмаса бўлгани!
Шимолий Корея етакчиси Ким Чен Ин қизи - Ким Чжу Эни мамлакатнинг ядровий ва ракета кучлари раҳбари лавозимига тайинлади.
Бу ҳақда қатор ОАВ Жанубий Кореянинг The Chosun Daily нашрига таяниб хабар бермоқда. Нашр эса ўз навбатида, ҳукумат манбалари маълумотларини келтирган.
Мутахассислар буни ҳукуматни топширишга қаратилган қадам сифатида баҳоламоқда: қизни босқичма-босқич ҳарбий вертикалга киритиб, унинг образини мамлакатнинг ядровий-ракета салоҳияти билан боғламоқда.
Ким Чжу Э кўпинча ҳарбий тадбир ва синовларда отасига ҳамроҳ қиляпти. Бу эса уни ворисликка тайёрлаш ҳақидаги гап-сўзларни янада кучайтирмоқда.
