17 ёшли йигит бошқарувни йўқотгани оқибатида 3 автомашина ва йўловчига шикаст етказди

Кеча, 14 сентябрь куни соат 12:30 ларда 2004 йилда туғилган С.М. “Cobalt” русумли автомашинани Самарқанд шаҳрининг Мирзо Улуғбек кўчасидан Гагарин-АмирТемур кўчаси томонга бошқариб келиб, бошқарувни йўқотиши оқибатида йўлнинг ўнг томон четки қисмида тўхтаб турган “Nexia”, “Nexia-2” ҳамда “Matiz” русумли автомашиналарга урилган ва йўл-транспорт ҳодисаси содир қилган.

ЙТҲ жараёнида автомашиналар оралиғида турган И.С. тан жароҳати олиб, РШТЁИМСФга мурожаат қилган.

Ҳодисада бир нечта автомашиналарга моддий зарар етказилган.

Вилоят ИИБ ЙҲХБ хабарига кўра, ҳолат юзасидан Самарқанд шаҳри бўйича ИИО ФМБ ЙҲХБ томонидан суриштирув ҳаракатлари олиб борилмоқда.