Аномал совуқлик қандай хавфлар келтириб чиқариши мумкин?

Қиш ойларидаги ғайритабиий совуқ об-ҳаво уй-жой коммунал хўжалиги, электр энергия тармоқларида юклама ортиши, газ қувурларида босимнинг кескин пасайиши ва унга тескари аҳоли хонадонлари, ижтимоий объектлар ва корхоналарда энергетик юкламанинг ортишига олиб келади.

Қишлоқ хўжалиги секторида ҳам ҳароратнинг кескин пасайиши тупроқ устидаги ҳароратнинг ҳаво ҳароратидан 5-10 даража пасайишига, тупроқ сиртининг кучли совиши, ернинг чуқур музлашига олиб келади. Иссиқхона фаолиятини оғирлаштиради. Токзорчилик йўналишида сифатли ўралмаган токларда кучли совуқ уриши кузатилади.

Аномал совуқнинг фаол босқичида атмосфера босимининг кескин кўтарилиши рўй беради. Прогнозларга кўра, 12-14 январь кунлари шимолда 1055 гПа, пойтахт Тошкентда 1050 гПага етади. Юқори атмосфера босими одам соғлиғига жиддий таъсир қилади. Айниқса, у аллергик, астматик ҳамда қон босими хасталиклари билан оғриётган бўлса. Ташқи муҳитда узоқ қолиб кетиш, қаҳратон совуқда инсон ўлимига олиб келиши мумкин.

Ҳаво транспорт йўналишида ҳам муаммолар мавжуд. Совуқлик омили ва кучли қор бўронлар авиарейслар тақвимига ўзгартиришлар киритади. Автомобиль йўлларида музламалар автотранспорт ҳаракатини ёмонлаштиради. Темир йўл поезд қатнови графикларида ҳам (темир йўл релслари торайиши ҳисобига) ўзгаришлар бўлиши мумкин (https://t.me/uzb_meteo/10353).