Баҳорнинг илк куни жўшликлар учун унутилмас бўлди
Аввал хабар қилганимиздек, Қўшработнинг Жўш қишлоғида бугун 20 га яқин янги объект фойдаланишга топширилди.
Уларнинг тантанали топширилишига бағишланган тадбирладан сўнг жўшликлар учун қишлоқ марказидаги амфитеатрда маданий тадбир намойиш этилди.
Унда пойтахт ва вилоятимиздан келган таниқли хонандалар, қизиқчилар, театр актёрлари чиқишлари билан иштирокчиларга кўтаринки кайфият бағишлади.
- Бугун фойдаланишга топширилган деярли барча иншоотларни кўздан кечирдим, - дейди қизиқчи Валижон Шамсиев. - Жўшликларнинг кайфиятини кўриб илҳомландик. Чекка қишлоқларда шаҳар шароити яратилганидан қувондик. Жўшликларнинг кайфиятини янада кўтаришга ҳаракат қилдим, мен билан ким суратга тушишни истаган бўлса, ҳеч бирини хафа қилмасликка уриндим.
Ҳа, 2020 йил баҳорининг илк куни жўшликлар учун мана шундай унутилмас бўлди.
Тўлқин Сиддиқов.
