Берлинда фавқулодда ҳолат: Германияга кучли довул ёпирилди

Германия метеорология хизмати шамолнинг максимал тезлигини соатига 152 километргача қайд этди. Берлинда фавқулодда ҳолат эълон қилинган.

Мамлакат ҳукумати фуқароларга уйда қолишни тавсия этмоқда. Эҳтиёт чораси сифатида авиакомпаниялар ва темир йўл компаниялари қатор ҳудудларда рейслар ва поездлар қатновини бекор қилмоқда. Қуйи Саксонияда довул етказган зарар туфайли барча поездлар ҳаракати бекор қилинди.

Мамлакатнинг айрим шаҳарларида кучли бўрон сув тошқинларига олиб келди. Шимолий денгиздаги Нордстрандишмур ороли тунда бутунлай сув остида қолди.

Қурбонлар ҳақида ҳозирча маълумотлар эълон қилинмаган.