Челакда инновацион кутубхона қурилади
Бир йил аввал Пайариқ тумани марказида замонавий зиё маскани – “Ёшлар кутубхонаси” фойдаланишга топширилган ва бу ёшларнинг севимли жойларидан бирига айланган эди.
Энди бундай маърифат маскани Челак шаҳарчасида ҳам ташкил этилади.
Юртимизда ёшлар ойлиги ўтказилаётган шу кунларда ушбу эзгу юмушга киришилди. Лойиҳа қиймати 3 миллиард сўм бўлган инновацион кутубхона биносида 40 ўринли китобхонлик зали, бир неча юз минг китобга мўлжалланган архив, ўқиш заллари бўлади. Бино замонавий ахборот технологиялари билан жиҳозланади.
Челакнинг энг кўркам биноларидан бири бўлиши кутилаётган кутубхонани йил якунига қадар фойдаланишга топшириш режалаштирилган, деб хабар бермоқда Пайариқ тумани ҳокимлиги ахборот хизмати.
