Дам олиш кунлари аномал совуқ аста-секин чекина бошлайди

Якшанба куни республиканинг шимоли-ғарбий ҳудудларига Каспий денгизидан нисбатан илиқ ҳаво кириб келиши бошлайди, у антициклоннинг совуқ перифериясини ортга суради.

Дам олиш кунлари республиканинг барча ҳудудлари бўйича қуруқ об-ҳаво сақланиб туради. 14 январь куни ҳаво ҳарорати кечаси 12-17 даража совуқни, баъзи жойларда 20 даражагача совуқни, кундузи 5-10 даража, баъзи жойларда 12 даражагача совуқни ташкил этади.

15 январь куни ҳаво бироз илиқлашади, кечаси 12-17 даража совуқ, кундузи 5-10 даража совуқ бўлади. Республика бўйича баъзи жойларга туман тушиши кузатилади. Бунинг ҳисобига йўлларда баъзи жойларда яхмалак юзага келади.