Давлат департаменти Толибон билан музокараларни ижобий баҳолади
"Қўшма Штатлар Дохада радикал Толибон вакиллари билан икки кунлик музокараларни очиқ ва профессионал деб баҳолади", деди Давлат департаменти матбуот котиби Нед Прайс.
"Музокаралар очиқ ва профессионал тарзда ўтди. АҚШ делегацияси Толибонга нафақат айтилган гапи, балки ҳаракатларига қараб баҳо берилишини тасдиқлади", дейилади Прайснинг музокаралар якунлари бўйича ёзма баёнотида.
9-10 октябрь кунлари Дохада АҚШ ва Толибон делегациялари иштирокида ўтказилган икки кунлик музокаралар, ҳаракат Афғонистонда ҳукуматни қўлга киритгандан кейин биринчи олий даражадаги мулоқот бўлди.
