Эронда АҚШ жосуси қатл этилди
Эронда АҚШ марказий разведка бошқармаси (МРБ) билан ҳамкорлик қилганликда айбланган Реза Асгари қатл этилди. Бу ҳақда 14 июль куни мамлакатнинг суд ҳукумати вакили Ғуламхусейн Эсмоили маълум қилди.
Унинг сўзларига кўра, Эрон Мудофаа вазирлиги аэрокосмик сектори ходими Реза Асгарига нисбатан чиқарилган суд ҳукми ижроси амалга оширилган. У МРБга Эрон ракеталари тўғрисида маълумотлар етказганликда айбдор, деб топилди.
2020 йилнинг февраль ойида МРБ манфаатлари учун жосуслик қилганликда айбланган яна бир шахс қатлга ҳукм қилинган эди. Бундан ташқари, АҚШ МРБ учун маълумот тўплаганликда айбланган яна икки кишига нисбатан узоқ муддатли қамоқ жазоси тайинланган.
2019 йилнинг июль ойида Эрон махсус хизмати АҚШ МРБга ишлайдиган 17 нафар жосус аниқланганини маълум қилган эди.
