"Ҳаж-2023": Ўзбекистондан Мадинага илк парвоз қачон амалга оширилиши маълум қилинди
Транспорт вазирлиги матбуот хизмати хабарига кўра, 2023 йил 4 июнь куни "Ҳаж-2023" тадбири доирасида "Тошкент-Мадина" йўналиши бўйича илк парвоз амалга оширилади.
Қайд этилишича, 4-19 июнь кунлари Мадинага Ўзбекистоннинг 10 та ҳудудий халқаро аэропортларидан, жумладан Тошкент, Наманган, Фарғона, Қарши, Термиз, Самарқанд, Бухоро, Навоий, Урганч, Нукус шаҳарларидан "Ҳаж-2023" тадбири доирасида 15 000 нафар зиёратчилар учун йўловчи авиаташувлари режалаштирилган.
Қатновлар "Uzbekistan Airways" АЖ томонидан амалга оширилади. 2023 йил 4 июлдан 22 июлгача қайтиш авиақатновлари Жиддадан Ўзбекистон шаҳарларига режалаштирилган.
