Ҳалима Яқуб Ислом оламининг қутлуғ зиёратгоҳида

Сингапур Президенти Ҳалима Яқуб Самарқандга ташрифини Имом Бухорий мажмуасини зиёрат қилиш билан бошлади.

Буюк муҳаддис ҳақига Қуръон тиловат қилинди.
Олий мартабали меҳмонга Президент Шавкат Мирзиёев ташаббуси билан янгидан бунёд этилаётган мазкур мажмуадаги қурилиш-бунёдкорлик ишлари ҳақида маълумот берилди. Зиёратчилар учун мажмуа ва унинг атрофида яратилаётган имконият ва қулайликлар, зиёрат туризмини ривожлантиришга хизмат қилиши қайд этилди.
Ҳалима Яқуб хоним Ислом оламида муҳаддислар султони деб эътироф этиладиган Имом Бухорий мажмуасини обод қилиш билан боғлиқ ишларга юксак баҳо берди.