Исроилда 150 дан ортиқ фаластинлик маҳбус очлик эълон қилди
“Исроил қамоқхоналаридаги 150 дан ортиқ фаластинлик маҳбуслар - "Исломий жиҳод» гуруҳи аъзолари тўрт кун олдин эълон қилинган очлик акциясида иштирок этмоқда”, деди Фаластин асирлари ишлари бўйича эксперт Абделнассер Фрауана, РИА Новости мухбирига.
"Ҳозирча аниқ рақамлар йўқ, лекин «Исломий жиҳод» ҳаракатининг 150 дан ортиқ фаластинлик асирлари кетма-кет тўртинчи кун очликни давом эттирмоқда", деди Фрауана.
"Очлик давом этмоқда ва кенгаймоқда, кўплаб фаластинлик гуруҳлар шу ҳафта очликка қўшилиш ниятларини эълон қилишди", дея қўшимча қилди у.
Аввалроқ, маҳбуслар ишлари бўйича қўмита матбуот баёнотида "Исломий жиҳод ҳаракати"дан 250 га яқин фаластинлик маҳбус 13 октябрь куни очлик эълон қилганини маълум қилган эди. Очлик Исроил қамоқхона маъмурияти томонидан сентябрь ойининг бошидан "Исломий Жиҳод" аъзоларига қарши қўлланган чора - маҳбусларнинг кўчирилиши ва алоҳида камераларда изоляция қилиниши сабабли эълон қилинган.
Бундай чоралар 6 сентябрь куни Исроилнинг «Гильбоа» қамоқхонасидан гуруҳнинг олти аъзоси қочиб кетганидан кейин кучайтирилди. Кейинчалик барча қочқинлар ушланиб, ҳибсга олинган.
Шанба куни Исроил қамоқхоналарида сақланаётган Фаластин Миллий қўмитаси янги ҳисоботида 19 октябрь, сешанба куни очликка янги иштирокчилар қўшилишини эълон қилди.
