Истеъдодли актёр Жан-Поль Бельмондо вафот этди

Машҳур ва суюкли француз актёри Жан-Поль Бельмондо кеча, 6 сентябрь куни ҳаётининг 89-йилида оламдан ўтди.

Актёрнинг адвокати маълум қилишича, Бельмондо Париждаги уйида вафот этган.

Артистнинг вафоти муносабати билан Франция президенти Эммануел Макрон ва кўплаб бошқа давлат вакиллари ҳамдардлик билдиришмоқда.

“У ҳар доим ажойиб инсон бўлган. Жан-Поль Белмондо Франциянинг миллий бойлиги эди. У хушчақчақ феъли ва жарангдор овози билан атрофни шодликка тўлдирарди. Жўшқин жасорат ва сўз сеҳргари. Биз ҳаммамиз унда ўзимизни топдик”, деб ёзди Макрон Twitterда.