ЖССТ COVID-19 ҳали тугамаслигини айтмоқда: Жанубий Кореяда илк бор бир суткада 40 мингдан зиёд COVID қайд этилди
ЖССТ бош директори Тедрос Адҳаном Гебреесус COVID-19 коронавирус пандемияси ҳали бери тугамаслиги ҳақида огоҳлантирди.
ЖССТнинг Европа бўлими, ўз навбатида, мамлакатларни "беш ёш ва ундан катта ёшдаги иммунитети сезиларли заифлашган одамларга, шунингдек, уларнинг яқинларига" иккинчи бустерли (кучайтирувчи) дозани беришга чақирди.
Маълумки, юқори эмлаш қамровига қарамай, кейинги бир неча ҳафтада Европада коронавирус билан касалланганлар сони ортди.
Биринчи янги тўлқинлардан бири Португалияга таъсир қилди, май ойида у ерда 800 дан ортиқ одам касалликдан вафот этди. Францияда ҳам ўтган ой бошидан бери касалланиш сони икки баравар кўпайди.
Германия, Италия ва Греция ҳам қайд этилган янги эпидемияни БА.4 ва БА.5 омикрон штаммининг субвариантининг тажовузкор хатти-ҳаракатлари, шунингдек вакциналаш суръати пасайиши, ниқоб тақмаслик билан боғлашмоқда.
Yonhap ахборот агентлиги хабар беришича, Жанубий Кореяда охирги икки ойдан бери илк бор бир суткада 40 мингдан ортиқ COVID-19 қайд этилди, 12 киши вафот этган. Мамлакат ҳукумати «Омикрон» штаммининг ўта юқумли субварианти - БА.5 тарқалиши натижасида юзага келган янги вирус тўлқини бошланганини тасдиқлади.
Корея бош вазири Хан Дак Су ҳукумат коронавирус тарқалишига қарши тўртинчи COVID-19 вакцинасига рухсат берди. Шунингдек, коронавирус билан касалланган одамлар учун етти кунлик мажбурий карантин қайта жорий этилди.
Г.Холдорова тайёрлади.
