Ҳаракат камайса – касаллик ошади
Жаҳон соғлиқни сақлаш ташкилоти маълумотларига кўра, дунёдаги катта ёшлиларнинг деярли учдан бир қисми (31 фоиз) етарли даражада фаол эмас. Шундай қилиб, 1,8 миллиард одамда юрак-қон томир, саратон ва бошқа касалликларга чалиниш хавфи юқори.
Ташкилот ҳисоботида қайд этилишича, 2010 йилдан 2022 йилгача катталар орасида жисмоний ҳаракатсизлик тенденцияси тахминан беш фоизга ошган.
"Агар бу тенденция давом этса, 2030 йилга бориб кам ҳаракат турмуш тарзи даражаси 35 фоизга ошади", дея таъкидлайди ЖССТ, катталарга ҳафтасига 150 дақиқа ўртача интенсивликдаги жисмоний фаоллик ёки 75 дақиқа кучли жисмоний машқлар қилиш тавсия этилишини эслатиб.
