Конгресс Байденнинг АҚШ президенти этиб сайланишини маъқуллади
Конгресс Капитолийдаги тартибсизликлар фонида демократ Жо Байденнинг АҚШ президенти этиб сайланишини маъқуллади, деб хабар бермоқда Reuters.
Байден сайловда ғалаба қозонишни таъминлаган Конгресс сайловчиларининг 270 дан ортиқ овозига эга бўлди. Конгрессда сайловчилар томонидан берилган овозларнинг маъқулланиши эса президент сайлови натижаларига қарши чиқиш имкониятини конституциявий чеклайди.
6 январь куни АҚШнинг амалдаги президенти Доналд Трампнинг тарафдорлари сўнгги сайловлар натижаларини тан олмаганликларини намойиш этиб, АҚШ Конгресси биносига бостириб киришди. Баъзи хабарларга кўра, Вашингтондаги намойишларда тўрт киши ҳалок бўлган, камида 20 нафардан зиёд намойишчи ҳибсга олинган. Вашингтон мэри Мюриэл Баузер комендантлик соати эълон қилган.
