Лексикографлар 2020 йилни тавсифловчи сўзни танлай олишмаяпти: "Коронавирус", "карантин", "ижтимоий масофа", "импичмент", "беларуслик"...

Бу ҳақда Oxford University Press сайтида эълон қилинган ҳисобот далолат бермоқда.

Бунинг ўрнига лексикографлар ўтаётган йилни тавсифловчи бир қатор сўзлар туркумини танлашди. Танланган сўзлар орасидан эпидемиологик вазият билан боғлиқ бўлган: "коронавирус", "карантин" ва "ижтимоий масофа" атамалари ўрин олди.

Бундан ташқари, Оксфорд экспертлари 2020 йилги сиёсий воқеаларни тавсифловчи сўзларни белгилашди: "импичмент" ва "беларуслик". Биринчиси сўз - АҚШ Конгресси демократик партиясининг АҚШ Президенти Доналд Трампга қарши айбловини кўриб чиқиш тартибига тегишли бўлса, иккинчиси - минглаб одамлар Александр Лукашенконинг қайта сайланишига қарши митинг ўтказилган Беларусдаги сайловларга тааллуқли.

Йилнинг яна бир сўзи "ўрмон ёнғинлари" тушунчаси бўлиб, лексикографлар ўтган йили сайёрадаги иқлимий вазият билан боғлиқ бўлган воқеаларни ҳам эътибордан четда қолдиришмади. Яъни, бунда  "иқлимий фавқулодда вазият" ("климатическое ЧП") ибораси танланди.

Ноябрь ойи бошида Александр Пушкин номли давлат рус тили институти мутахассислари “ўз-ўзини изоляция қилиш” («самоизоляция») ва “президентлик муддатлари нолга тенглаштирилиши – амалдаги давлат раҳбарларига ваколатнинг максимал муддатини узайтиришга имкон берадиган конституциявий чекловларни қайта кўриб чиқиш” («обнуление») сўзлари 2020 йилнинг асосий сўзлари эканлигини тан олган эди. Тематик блоклар матнларини таҳлил қилиш асносида мутахассислар бир томондан юқори частотали, иккинчидан, чуқур маъно ва аҳамиятга эга бўлган характерли «калит» сўзларни танлашди. Кремлдагилар бу танловдан ҳайратда қолишди.

Г.ХОЛДОРОВА тайёрлади.