Лондондаги Украина бўйича саммит хулосалари ва Трамп зиддияти

Кеча Лондонда Европа Иттифоқи етакчиларининг Украина масаласи бўйича саммити якунланди.

Саммит иштирокчилари АҚШнинг Украинани қўллаб-қувватлаши ва Европа Иттифоқининг мамлакат хавфсизлигини таъминлашдаги ролини муҳокама қилган.
Оқ уйнинг Овал кабинетида президент Зеленский, АҚШ президенти Трамп ва вице-президент Венс ўртасидаги кескин тортишувдан бир кун ўтиб, Украина раҳбари Лондонда илиқ кутиб олинди.
У Буюк Британия Бош вазири Кей Стармер мезбонлик қилган Европа етакчилари саммитида қатнашди ва кейин Сандрингемдаги қароргоҳида қирол Чарлз III билан учрашди.
Учрашув иштирокчилари қуйидаги тўртта қадам бўйича келишиб олдилар:
- Уруш давом этаётган бир пайтда Украинага ҳарбий ёрдам беришда давом этиш ва Россияга иқтисодий босимни ошириш.
- Ҳар қандай барқарор тинчлик Украина суверенитети ва хавфсизлигини таъминлаши, Украина музокаралар столида ўтириши керак.
- Агар тинчлик келишувига эришилса, Европа етакчилари келажакда Россиянинг Украинага бостириб киришининг олдини олишга ҳаракат қилади.
- Украинани ҳимоя қилиш ва мамлакатда тинчликни таъминлаш учун "хоҳловчилар коалицияси" тузилади.
Трамп эса бугун АҚШ расмийлари билан учрашиб, Киевга қарши бир қатор чораларни кўриш, жумладан, ҳарбий ёрдамни тўхтатиш масаласини кўриб чиқади.