Ободонлаштириш қоидаларини бузган фуқарога нисбатан маъмурий жазо қўлланилди

Бугун, 1 ноябрь куни эрта тонгда Самарқанд шаҳрининг Қўрғонча маҳалласида яшовчи фуқаро А.Н ўзининг 30 S 368 KA давлат рақамли “Дамас” автомашинасида Воҳид Абдуллаев кўчасининг “Афросиёб” тарихий ҳудудига чиқинди олиб келиб ташлаётганда ушланди.

Мазкур ҳолат бўйича Самарқанд шаҳар ҳокимлиги ободонлаштириш бошқармаси маъсул ходимлари томонидан профилактика инспекторларига хабар берилган.

Инспекторлар ўтказган текширувлар натижасида табиатни ифлослантираётган А.Н.га нисбатан Ўзбекистон Республикаси Маъмурий жавобгарлик тўғрисидаги кодекснинг 161-моддаси (“Шаҳарларни ва бошқа аҳоли пунктларини ободонлаштириш қоидаларини бузганлик”) бўйича маъмурий жазо қўлланилди.

Самарқанд шаҳар ҳокимлиги ахборот хизмати.