Ўқувчилар фақат ўзлари яшайдиган ҳудуддаги ихтисослаштирилган мактаб ва мактаб-интернатларга ўқишга қабул қилинади

Ихтисослаштирилган мактаб ва мактаб-интернатларига 2023-2024-ўқув йили учун ўқувчиларни қабул қилиш юзасидаги брифингда бу ҳақида маълум қилинди.

Ўқувчилар фақат ўзлари ўқиётган умумтаълим муассасаси жойлашган ҳудуд (Қорақалпоғистон Республикаси, вилоят ва Тошкент шаҳри)даги ихтисослаштирилган мактаб ва мактаб-интернатларга ўқишга қабул қилинади.

Республиканинг турли ҳудудларидаги талабгорлар Ихтисослаштирилган таълим муассасалари агентлиги тизимидаги Муҳаммад ал-Хоразмий номидаги таянч ихтисослаштирилган мактабнинг 5-синфига;

- Мирзо Улуғбек ва Абу Али ибн Сино номидаги таянч ихтисослаштирилган мактабларнинг 7-синфига параллель равишда ҳужжат топширишлари мумкин.