O‘quvchilar faqat o‘zlari yashaydigan hududdagi ixtisoslashtirilgan maktab va maktab-internatlarga o‘qishga qabul qilinadi

Ixtisoslashtirilgan maktab va maktab-internatlariga 2023-2024-o‘quv yili uchun o‘quvchilarni qabul qilish yuzasidagi brifingda bu haqida ma’lum qilindi.

O‘quvchilar faqat o‘zlari o‘qiyotgan umumta’lim muassasasi joylashgan hudud (Qoraqalpog‘iston Respublikasi, viloyat va Toshkent shahri)dagi ixtisoslashtirilgan maktab va maktab-internatlarga o‘qishga qabul qilinadi.

Respublikaning turli hududlaridagi talabgorlar Ixtisoslashtirilgan ta’lim muassasalari agentligi tizimidagi Muhammad al-Xorazmiy nomidagi tayanch ixtisoslashtirilgan maktabning 5-sinfiga;

- Mirzo Ulug‘bek va Abu Ali ibn Sino nomidagi tayanch ixtisoslashtirilgan maktablarning 7-sinfiga parallel ravishda hujjat topshirishlari mumkin.