Польша Европа парламентини Беларусдаги воқеалар сабабли Россияга нисбатан санкциялар жорий қилишга чақирди
Президент сайловлари ўтказилганидан сўнг, Беларусда бир неча кундан бери давом этаётган оммавий намойишлар сабабли, Россияга нисбатан санкциялар жорий этилиши лозим. Бу ҳақда Европа парламентининг Польша вакили депутати Яцек Сариуш-Вольский сўзлади.
Беларусдаги воқеалар сабабли Европа иттифоқи, Минскка нисбатан санкциялар жорий этилиши мумкинлигини маълум қилган эди.
“Европа иттифоқи қилиши мумкин бўлган, Польша таклиф этаётган нарса – бу Беларусга эмас, Россияга нисбатан санкция жорий этилиши. Сабаби, ҳозирги ҳолат қилич кўтарган қўлни эмас, қилични жазолашга ўхшамоқда. Агар Россия аралашувининг олди олинса, фикримча беларусларнинг ўзлари демократия қуришни уддасидан чиқадилар”, - таъкидлади Сариуш-Вольский Польша радиоси эфирида.
Россия томон доимий равишда ғарбда барча муаммоларда Россияни айблаш урфга айланаётганлиги тўғрисида таъкидлаб келмоқда.
