Путин ва Байден ўртасидаги музокаралар давом этмоқда
Россия президенти Владимир Путин АҚШ президенти Жо Байден билан учрашиш учун Женевага келди. Уларни Швейцария президенти Гай Пармелин қабул қилди.
Музокаралар Ла Гранж вилласида Тошкент вақти билан 16:30 да бошланди.
"Айни пайтда Владимир Путин ва Жо Байден ўртасидаги музокаралар тор доирада давом этмоқда", деди Россия президенти матбуот котиби Дмитрий Песков РИА Новостига.
Саммит уч қисмдан иборат бўлиши режалаштирилган эди: тор доирадаги бир соатлик музокаралар ва кенгайтирилган шаклда икки раунддан иборат бўлади. Учрашувга тайёргарликдан хабардор манбанинг РИА Новостига маълум қилишича, булар тахминан беш соат давом этади.
Қўшма пресс-конференция кутилмайди, президентлар журналистлар билан алоҳида гаплашади.
Бу АҚШ президенти лавозимига киришганидан бери Путин ва Байденнинг биринчи учрашувидир.
