Бугун Аляскада Дональд Трамп ва Владимир Путиннинг учрашуви бўлиб ўтади

Бизнинг вақт билан 00:30 да бошланиши режалаштирилган музокараларда аввал Путин ва Трамп юзма-юз тарзда суҳбатлашади, сўнгра — “бешга беш” форматида делегациялар иштирокида давом этади.

Россия–Америка саммити тахминан 7 соат давом этиши кутилмоқда. Трамп Анкориджда узоқ қолишни режалаштирмаган.

Учрашув Аляскада ўтиши ҳақида эълон қилиниши арафасида АҚШ президенти Россия ва Украина ўртасидаги келишув ҳудудлар алмашинувини назарда тутиши мумкинлигини айтди. ОАВ ёзишича, Украина Россия томонидан аллақачон босиб олинган ҳудудларни беришга рози бўлиши мумкин.

Зеленский эса ўт очишни тўхтатиш ва Украина хавфсизлиги кафолатлари берилмагунча ҳудудлар алмашинуви ҳақидаги гап бўлиши мумкин эмаслигини билдирди.

Sky News Путиннинг Трампни ортда қолдириш имкониятларини таҳлил қилди.

Аляскада Трамп билан учрашувда Путин Америка президентининг нуфузини сақлаб қолиш учун маълум енгилликларни кўрсатишга мажбур бўлади. Таҳлилчи Айвор Беннетнинг фикрича, Путин ўз мақсадлари ва уларга эришиш йўлларини яхши биладиган тажрибали музокарачи.

Путиннинг асосий вазифаси — тинчликка эришиш йўли - Россия шартлари асосидаги келишув орқали ўтишига Трампни ишонтириш. Бунга эришиш учун у муроса кўринишини яратади ва эвазига Трампга нималардир таклиф қилади.

Эҳтимолий енгиллик сифатида Зеленский билан учрашув ваъдаси бўлиши мумкин. Трамп бу ҳақда яқинда гапирган эди. Бироқ, Беннетнинг таъкидлашича, бу ваъда эҳтимол ноаниқ ва шартлар билан бўлади. Оқ уй тараққиёт ҳақида эълон қилиши мумкин, аммо аслида натижа бўлиши даргумон.

Гулнора Холдорова тайёрлади.