Putin va Bayden o‘rtasidagi muzokaralar davom etmoqda

Rossiya prezidenti Vladimir Putin AQSh prezidenti Jo Bayden bilan uchrashish uchun Jenevaga keldi. Ularni Shveysariya prezidenti Gay Parmelin qabul qildi.

Muzokaralar La Granj villasida Toshkent vaqti bilan 16:30 da boshlandi.

"Ayni paytda Vladimir Putin va Jo Bayden o‘rtasidagi muzokaralar tor doirada davom etmoqda", dedi Rossiya prezidenti matbuot kotibi Dmitriy Peskov RIA Novostiga.

Sammit uch qismdan iborat bo‘lishi rejalashtirilgan edi: tor doiradagi bir soatlik muzokaralar va kengaytirilgan shaklda ikki raunddan iborat bo‘ladi. Uchrashuvga tayyorgarlikdan xabardor manbaning RIA Novostiga ma’lum qilishicha, bular taxminan besh soat davom etadi.

Qo‘shma press-konferensiya kutilmaydi, prezidentlar jurnalistlar bilan alohida gaplashadi.

Bu AQSh prezidenti lavozimiga kirishganidan beri Putin va Baydenning birinchi uchrashuvidir.