Қўшработда автомашина салонидан пул ўғирлаган шахс қўлга олинди

Самарқанд вилоятининг Қўшработ туманида 28 июнь куни ИИБ ТБдан тушган ҳужжатларга кўра, шу йил 18 июнь куни Намуна маҳалласида яшовчи, муқаддам судланган, 33 ёшли Ш.Т. “Мустақиллик” МФЙ ҳудудида жойлашган “Интизор” номли автошохбекатида, Булоқбоши маҳалласида яшовчи, 29 ёшли С.Х. бошқарувидаги “Нексия” автомашинасига рухсатсиз ўтириб, автомашина салонидан 80 000 сўм пулини олиб, воқеа жойидан яширинган.

Кўрилган чоралар натижасида Ш.Т. ушланган. Ҳолат юзасидан жиноят иши қўзғатилган.

Ўзбекистон Республикаси ИИВ Жамоатчилик ва ОАВ билан алоқалар  бошқармаси хабарига кўра, ҳозирда тергов ҳаракатлари олиб борилмоқда.