Россияда сўнгги кеча-кундузда 3448 нафар янги касалланганлар аниқланди
Россияда коронавирус инфекцияси билан касалланганлар сони 27 938 нафарга етди. Бу ҳақда бугун, 16 апрель куни Россия Федерациясининг COVID-19 инфекцияси тарқалишига қарши курашиш тезкок штаби хабар қилди.
Сўнгги кеча-кундузда мамлакатнинг 34 ҳудудидан 3448 нафар янги касалланганлар аниқланди (+14.1 фоиз). Энг кўп касаллик аниқланган ҳудудлар: 1370 нафар Москва шаҳрида, 467 нафар Москва вилоятида, 154 нафар Санкт-Петербургда.
Россияда коронавирус оқибатида жами 232 нафар бемор вафот этган ва 2304 нафар бемор соғайган.
