Россияликларнинг ярми фарзанд кўришни истамайди
18 ёшдан 46 ёшгача бўлган 46 фоиз россияликлар фарзанд кўришни умуман исташмайди. Фақат 42 фоизигина қачонлардир болали бўлиш нияти борлигини билдирди, деб ёзади "Мир новостей" ҳафтаномаси.
Россия молиявий тадқиқотлар миллий агентлиги мамлакатнинг 58 ҳудудида ана шундай кўламда сўров ўтказди.
Кўпчилик ёш одамлар учун бола кўришни истамаслигига сабаб пул экан. Уларнинг айтишича, мамлакатда камбағал оилалар зўрға кун кечираётгани туфайли фарзанд кўриш ва уларни боқишга қурблари етмас экан.
РФА прогнозига кўра, Россия аҳолиси 2036 йилга бориб 12 миллион кишига қисқариши мумкин.
Т.Шомуродов тайёрлади.
