Самарқанд шаҳар маҳалла ва оилани қўллаб-қувватлаш бўлимига раҳбар тайинланди

Самарқанд шаҳар ҳокими вазифасини вақтинча бажарувчи Акрам Эгамовнинг 2020 йил 9 октябрдаги қарорига асосан Маматов Аҳмаджон Азимович Самарқанд шаҳар ҳокимининг ўринбосари - Маҳалла ва оилани қўллаб-қувватлаш бўлими бошлиғи лавозимига тайинланди.

Аҳмаджон Маматов шу кунга қадар маҳалла ва оилани қўллаб-қувватлаш бўлими бошлиғининг кексалар ва фахрийларни қўллаб-қувватлаш ва ижтимоий фаоллигини ошириш бўйича ўринбосари бўлиб ишлаган.

Эслатиб ўтамиз, Самарқанд шаҳар маҳалла ва оилани қўллаб-қувватлаш бўлими бошлиғи сифатида фаолият юритиб келаётган Бадриддин Насриев нафақага кузатилгани ҳақида хабар қилган эдик.