Самарқандда "ОблГАИ"нинг бошлиғи ўзгарди

Шу пайтгача ушбу лавозимда ишлаган Шавкат Бойхўрозов нима сабабдан ишдан олингани маълум қилинмаган.

Вилоят ИИБ йўл ҳаракати хавфсизлиги бошқармаси бошлиғи вазифасида Абдунаби Носиров иш бошлаган.

Тайинловга қадар Андижон вилоят ИИБ ЙҲХБни бошқарган А.Носиров 2017-2020 йилларда ҳам Самарқандда ишлаган.

Самарқанд вилоятида ишлаган даврида фаолиятида очиқлик ва шаффофликни йўлга қўйгани, мурожаатчилар билан самимий гаплашиши, умуман, жамоатчилик билан ҳисоблашиши билан ҳурмат қозонган.

Самарқанд вилоятидаги "пост"га қайтган А.Носиров бугун Оқдарё туманида сайёр қабул ўтказиши айтилмоқда.