Samarqandda "OblGAI"ning boshlig‘i o‘zgardi

Shu paytgacha ushbu lavozimda ishlagan Shavkat Boyxo‘rozov nima sababdan ishdan olingani ma’lum qilinmagan.
Viloyat IIB yo‘l harakati xavfsizligi boshqarmasi boshlig‘i vazifasida Abdunabi Nosirov ish boshlagan.
Tayinlovga qadar Andijon viloyat IIB YHXBni boshqargan A.Nosirov 2017-2020 yillarda ham Samarqandda ishlagan.
Samarqand viloyatida ishlagan davrida faoliyatida ochiqlik va shaffoflikni yo‘lga qo‘ygani, murojaatchilar bilan samimiy gaplashishi, umuman, jamoatchilik bilan hisoblashishi bilan hurmat qozongan.
Samarqand viloyatidagi "post"ga qaytgan A.Nosirov bugun Oqdaryo tumanida sayyor qabul o‘tkazishi aytilmoqda.