Самарқанд шаҳридаги хонадонлардан бирида 10 000 АҚШ долларига тенг тилла тақинчоқлар ўғирланди
Воқеа шу йилнинг 1 январь куни содир бўлган.
Вилоят ИИБ хабарига кўра, Самарқанд шаҳри, Амир Темур кўчасидаги хонадонлардан бирида яшовчи фуқаро уйидан тилла тақинчоқлар ўғирлаб кетилгани ҳақда ИИБга ариза берган.
Маълум бўлишича, ўғри калит танлаш йўли билан хонадон эшигини очиб кирган. Баҳоси 10 000 АҚШ долларига тенг тилла тақинчоқлар ва 300 минг сўм пулни олиб кетган.
Самарқанд шаҳар ИИБ ЖҚБ ходимлари томонидан олиб борилган тезкор-суриштирув ишлари натижасида ўғри Самарқанд тумани Қозиариқ маҳалласида яшовчи фуқаро экани аниқланган. Ҳолат юзасидан жиноят иши қўзғатилган.
